Қиз бола отасига меҳрибон бўлади! Мана исботи:

Тўйга бир ой қолганда қиз йигит билан учрашиб келди-ю, унга тегмайман деб туриб олди. Бу гапни аввал онасига айтди. Отасига айтишдан қўрқди. Чунки куёв бўлмишнинг отаси падари бузруквори билан жуда қалин дўст эдилар. Тақдир экан, улар бошқа вилоятга кўчиб кетишди. Йиллар ўтиб эса икки дўст ўзаро ришталарни мустаҳкамлаш ниятида фарзандларининг тақдирини боғлашга аҳд қилдилар. Қарангки, учрашувга чиқиб келган қиз менинг бошқалардан қаерим кам, дея йиғлашдан тинмасди. Ҳамма ҳайрон. Кейин сабабини билишса, йигитнинг оёғи оқсоқ экан. Бу гапни эшитгач, ота ҳам довдираб қолди. Лекин тўйни қолдиришни иснод деб билди.

Аёл йиғлаб дардини тўкади. Эркак эса ичига ютади. У йигитнинг айбини яширган дўстидан хафа бўлди. Бироқ, йигит оқсаб юрса-да ақли ҳуши жойида, топармон-тутармон, қалби мусаффо эди.

Ҳам отасининг эзилаётганини кўрган, ҳам опасининг изтиробига дош беролмаган сингил ўртага чиқди:

— Мана мен тегаман ўшанга, — деди. — Оёғи оқсагани ҳеч нарсамас, қалби бутун бўлса бўлди. Отажоним, қаддингизни кўтаринг. Эл-юрт олдида юзингиз шувут бўлишини хоҳламайман!!!

Шу билан тўй ҳам ўтди. Опасининг ўрнига турмушга чиққан сингилнинг ҳозир тўққизта фарзанди, 16 та набираси бор.

Опа эса бой-бадавлат оилага келин бўлди. Аммо тирноққа зор бўлиб, армон билан дунёдан ўтиб кетди.

…Ҳар гал шоирнинг: “Инсон қалби билан ҳазиллашманг, сиз” деб бошланувчи шеърини ўқисам, мана шу воқеа лоп этиб кўз ўнгимдан ўтаверади.

© Мақсуд Жонихонов


Maslahatim.uz

55
0
Дўстларингиз билан улашинг:
(!Мақолани бошқа сайтларда ва газета журналларда чоп этишда ёки ижтимои тармоқдаги: каналларга, гуруҳларга ёзиб тарқатишда, муаллиф ва манба кўрсатилиши шарт! Мақоламиз асосида аудио ва видео маҳсулот тайёрлашдан олдин биздан руҳсат олишингиз шарт!)

Қиз бола отасига меҳрибон бўлади! Мана исботи:: 5 комментариев

  • Bobur Mirzahmedov
    07/08/2016 в 2:41 пп
    Permalink

    Расимдеги узимизи Анас афандию. Кизини туйидеги расим.

    Ответ
  • AbdulAziz Siddiq
    07/08/2016 в 9:24 пп
    Permalink

    Офарин, инсон калби нозик хилкат

    Ответ
  • Muattar Xajimetova
    08/08/2016 в 9:58 дп
    Permalink

    илохим хаммамиз хам шундай бахтли булайик сингилга минг рахмат

    Ответ
  • 08/08/2016 в 8:29 пп
    Permalink

    «Inson qalbi bilan hazillashmang siz»sherini to’liq qilib jo’natib ybora olasizmi? Hursand bo’lardim.

    Ответ
    • 08/08/2016 в 11:31 пп
      Permalink

      Марҳамат:

      ИНСОН ҚАЛБИ

      Инсон қалби билан ҳазиллашманг Сиз,
      Унда миллат яшар, унда тил яшар.
      Унда аждод фахри яшайди сўзсиз,
      Унда истиқомат қилади башар.

      Инсон қалби билан ҳазиллашманг Сиз,
      Унда она яшар, яшайди Ватан.
      Уни жўн нарса деб ўйламанг ҳаргиз,
      Ҳайҳот! Қўзғалмасин бу Қалб дафъатан!!.

      © Абдулла Орипов

      Ответ

Добавить комментарий

Рўйҳатдан ўтиш: 

Ваш e-mail не будет опубликован.

САВОЛИНГИЗ БОРМИ? ШУЕРНИ БОСИБ САВОЛИНГИЗНИ ЮБОРИНГ:⬇️