​АЖОЙИБ ҲОЗИРЖАВОБЛИК…. ;)

Бир киши Мутанаббини хижолат қилмоқчи бўлиб: “Узоқдан кўриб, мен сизни аёл киши деб ўйлабман?”, дебди.

Мутанабби: “Мен эса узоқдан сизни эркак деб ўйлабман”, деб жавоб берибди.
***

Британиянинг семиз вазири Черчилл озғин Бернард Шоуга: “Сизни кўрганлар Бринтанияда озиқ-овқат тақчил экан, деб ўйлаб қолади”, дебди.

Бернард Шоу: “Сизни кўрганлар эса тақчилликнинг сабабини билиб олишади”, деб жавоб берибди.
***

Абул Ғусн Дужайн Жуҳо қишлоқлардан бирига кириб келаётган экан бир киши унга: “Эй Жуҳо, сени эшагингдан танибман”, дебди.

Жуҳо: “Эшак эшакни танийди-да”, деб жавоб берибди.
***

Бир киши бир аёлга: “Бунча ҳам чиройлисиз?!”, дебди.

Аёл: “Агар сиз ҳам чиройли бўлганингизда мен ҳам сизга худди шу сўзни айтган бўлар эдим”, дебди.

У киши: “Ҳечқиси йўқ, сиз ҳам менга ўхшаб ёлғондан айтиб қўяверинг”, дебди.
***

Бир аёл тўртта хўтикни ҳайдаб кетаётган эди, унинг олдидан икки йигит ўтиб қолди ва: “Хайрли тонг, эй хўтикларнинг онаси”, дейишибди.

Аёл дарҳол: “Хайрли тонг, болаларим”, деб жавоб берибди.
***

Бир йигит бели камондек букилиб қолган қарияни кўриб: “Амаки камон неча пул?”, деб масхара қилибди.

Қария: “Аллоҳ умрингни узоқ қилса, текинга оласан”, деб жавоб берибди.
***

Бир аъробий амирнинг ҳузурида очкўзлик билан қўзичоқ гўштини еётган экан, амир унга: “Нега бунақа еяпсан, қўзичоқнинг онаси сени сузганмиди?”, дебди.

Аъробий: “Қўзичоққа бунча раҳмингиз келмаса, нима, онаси сизни эмизганмиди?”, дебди.

© Қудратуллоҳ Сидиқметов
→ Maslahatim.uz

33
0
Дўстларингиз билан улашинг:
(!Мақолани бошқа сайтларда ва газета журналларда чоп этишда ёки ижтимои тармоқдаги: каналларга, гуруҳларга ёзиб тарқатишда, муаллиф ва манба кўрсатилиши шарт! Мақоламиз асосида аудио ва видео маҳсулот тайёрлашдан олдин биздан руҳсат олишингиз шарт!)

​АЖОЙИБ ҲОЗИРЖАВОБЛИК…. ;): 1 комментарий

Добавить комментарий

Рўйҳатдан ўтиш: 

Ваш e-mail не будет опубликован.

САВОЛИНГИЗ БОРМИ? ШУЕРНИ БОСИБ САВОЛИНГИЗНИ ЮБОРИНГ:⬇️