Ассалому алайкум, Сиз Maslahatim.uz сайти орқали маслаҳат сўрашингиз ва маслаҳат беришингиз мумкин!

1овоз

Yurak huruji va uni davolash

Yurak huruji va uni davolash haqida ma’lumot bersalaringiz

Behzod изоҳ берди

yutrag huruji haqida alumot bersangiz.oldindan raxma!

3 та жавоб

Dilshod жавоб берди 0
Стенокардия

Стенокардия (юрак қисиши) — юрак ишемик касаллигининг кенгтарқалган формаси бўлиб, кўкрак соҳасида тўсатдан пайдо бўладиган ғижимловчи оғриқ унинг асосий белгисидир. Стенокардияда оғриқ тўш орқасида бўлиб, кўпинча тўш суягидан чапроқда юрак соҳасида ҳам сезилиши мумкин. Тўсатдан тутган оғриқ бир неча дақиқадан ярим соатгача давом этиб, чап қўлга, кўкракка, елка ва бўйинга, баъзан эса ўнг томонга, орқага, ўнг қўлга тарқалиши мумкин. Кўпинча оғриқ хуружи ўлим ваҳимаси билан келади. Стенокардия хуружига атеросклерозда юрак тож томирларининг торайиши ва қисилиши (спазм) оқибатида юрак мушакларининг қон билан етарли таъминланмаслигига сабаб бўлади. Зўриқиш ва тинч стено-кардия фарқланади. Зўриқиш стенокардиясида оғриқ хуружи юрганда ёки жисмоний ҳаракатларда, иссиқ хонадан совуққа, шамолга чиққанда ёки асаб зўриққанда пайдо бўлади. Тинч ҳолатдаги стенокардияда оғриқ уйқуда вужудга келиб, бемор уйқудан уйғониб кетади. Стенокардия хуружи бир неча дақиқа давом этади, беморни совуқ тер босади, юзи оқаради, томир уриши секинлашади, нитроглицерин ёки валидол қабул қилгандан сўнг оғриқ йўқолади. Айрим ҳолларда стенокардиянинг оғир хуружи ярим соатдан кўпроқ давом этиб, нитроглицерин фойда бермаслиги ва миокард инфаркти юз бериши мумкин. Айниқса, зўриқиш стенокардияси хавфли бўлиб, миокард инфарктига айланиб кетиши мумкин. Айрим ҳолларда зўриқиш стенокардияси ҳаяжонланганда, шунингдек, чекканда, спиртли ичимликлар ичганда, тўйиб овқатланганда юз бериши мумкинлигини унутмаслик қерак. Кўкрак қафасининг чап томонидаги ҳар қандай оғриқ ҳам стенокардияга хос бўлавермайди. Невроз, юрак пороклари, умуртқа поғонасининг бўйин-кўкрак бўлими касалликлари ва ҳоказоларда ҳам стенокардиядагидек оғриқ бўлиши мумкин.
Стенокардия билан оғриган бемор шифокор назоратида бўлади, унга тез тиббий ёрдам кўрсатилиши керак. Масалан, зўриқиш стенокардиясида ҳаракат қилмасдан тинч ётиш ҳамда нитроглицерин қабул қилиш 2-3 дақиқа давомида наф бермаса, уни яна шимиш лозим. Валидол таблеткаси оғриқни бир оз босади. Кўп ҳолларда юрак соҳасига горчичник қўйилиШи оғриқни камайтириши мумкин.
Стенокардия хуружининг олдини олиш мақсадида жисмоний ҳаракат қилмаслик (масалан, тез юрмаслик, баланд-ликка кўтарилмаслик, ҳаяжонлантирувчи манзараларга қарамаслик ва бошқалар), асабни толиқтирмаслик лозим, бутунлай ётиб олмаслик ҳам керак, оз-оздан жисмоний меҳнат қилиш, оғриқ бўлмаса, кўпроқ шуғулланиш мумкин. Даво физкультураси беморнинг умумий ҳолатини яхшилайди. Овқатни оз миқдорда, лекин дам-бадам еб туриш керак.
Давоси — хуруж давомида бемор қимирламай ётиши, оғриқни тўхтатиш учун шифокор буюрган дори-дармонларни қабул қилиши лозим. Кўл-оёққа грелка қўйиш керак. Стенокардиянинг олдини олиш учун атеросклероз гипертония касаллигига қарши кураш олиб бориш, стенокардия пайдо бўлишига йўл қўймаслик учун иш куни дам олишни тўғри ташкил этиш, очиқ, тоза ҳавода кўпроқ бўлиш, нормал ухлаш (камида 8 соат), тамаки, нос чекмаслик, спиртли ичимликлар ичмаслик, ўз вақтида овқатланиш керак, шамоллашдан, юқумли касалликлардан сақланиш лозим.
Anvar жавоб берди 0
Yurak-tomir sistemasi kasalliklari
Yurak-tomir sistemasi kasalliklari — yurak, arteriyalar va venalar kasalliklari. Ular juda koʻp va xilmaxil. Bu kasalliklarning baʼzilari (revmatizm, miokardit va boshqalar) yurakni, ayrimlari arteriya (ateroskleroz) yoki venalarni (mas, tromboflebit), boshqalari butun yuraktomir sistemasini shikastlaydi (gipertoniya kasalligi).

[[Yurakning ishemik kasalligi yurak muskullarining qon bilan yetarli taʼminlanmasligidan vujudga keladi. Asosan, yurak toj arteriyalarining aterosklerotik oʻzgarishlarga uchrashi, spazmp, shuningdek, ular boʻshligʻida qonning (ivib) laxta boʻlib choʻkishi (tromboz) va boshqalar oqibatida kelib chiqadi (q. [[Yurakning ishemik kasalligi).

Arterial gipertoniya Yu,t.s.k. orasida eng keng tarqalgani boʻlib, katta yoshli odamlar orasida koʻp uchraydi. U miokard infarkti, insult, yurak yetishmovchiligi kabi koʻpincha oʻlim yoki nogironlikka sabab boʻladigan asosiy patogenetik omil hisoblanadi.

Arterial gipotoniya (gipotoniya kasalligi) — nisbatan kam uchraydi. U arterial gipotoniya sindromi tarzida koʻpgina yuraktomir tizimi kasalliklarida (miokard infarkti, kardiomiopatiya, miokardit), nevrozlar, gipotireoz, insultdan keyin kuzatiladi.

Klinik amaliyotda yurak muskullarining yalligʻlanishi — miokardit va yalligʻlanmay zararlanishi — miokardiodistrofiya koʻproq kuzatiladi. Endokardit (yurak ichki qavatining yalligʻlanishi) revmatizm va boshqalar orttirilgan yurak poroklarita sabab boʻladi. Lerikardit kam uchraydi. [[Yurakning ishemik kasalligi, miokardit va miokardiodistrofiya, shuningdek, nevrotik holatlar natijasida yurak aritmiyalari vayurak blokadasi sodir boʻlishi mumkin. Yurak aritmiyalari yurak qisqarishlari (urishi)ning tezlashishi (taxikardiya) yoki sekinlashuvi (bradikardiya), yurakning navbatdan tashqari qoʻshimcha qisqarishi (ekstrasistoliya); yurak urishining toʻsatdan tezlashuvi (parok sizmal taxikardiya); yurakning har xil vaqt oraligʻida notoʻgʻri qisqarishi (tebranuvchi aritmiya) va boshqalarda namoyon boʻladi. Yurak blokadasi yurakning oʻtkazuvchi sistemasida nerv impulslari oʻtishining buzilishi (mas, boʻlmachalardan qorinchalarga yoki Gis tutami oyoqchalariga impuls oʻtishining uzilishi)dan iborat.

Nevrozlar tufayli yurak nerv apparati faoliyati buzilganda aritmiyalar bilan birga, yurakda sirqillaydigan, sanchadigan, jazillaydigan ogʻriq sezgilari ham paydo boʻladi. Ateroskleroz va gipertoniya kasalligi arteriya tomirlarining keng tarqalgan xastaliklaridan boʻlib, aksariyat ular birga kechadi. Ateroskleroz toj tomirlaridan tashqari, aorta va uning yirik shoxlari, jumladan, buyrak arteriyasi, miya tomirlari (q. Insult), qoʻloyoqning periferik tomirlarini ham zararlaydi. Arterial tomirlarning yalligʻlanishi — arteriitlar koʻproq infeksion (mas, zaxm, sepsis) va allergik (q. Zardob kasalligi) hamda kollagen kasalliklar tufayli yuzaga keladi. Klinik shakli obliteratsiyalovchi endarteriit, aorta panarteriiti va h.k. Venalarning varikoz kengayishi va tromboflebit vena tomirlarining koʻp uchraydigan kasalliklaridan.

Yurak yetishmovchiligi yurakning oʻziga yuklangan toʻla hajmdagi funksional yuklamani bajara olmasligini koʻrsatuvchi patologik belgilar (terining koʻkarishi, nafas qisishi, oyoq shishib qolishi va boshqalar) bilan namoyon boʻladi; biror ish qilayotganda nafas qisib qolishi patologik alomat hisoblanadi.

Oʻtkir yurak yetishmovchiligi — juda xavfli, lekin kamdankam uchraydi. U kutilmaganda yoki toʻsatdan nafas qisib, boʻgʻilish (q. Yurak astmasi) xuruji bilan kechadi.

Koʻpchilik Yurak-tomir sistemasi kasalliklarisk. oqibatida yurak muskulining qisqarish funksiyasi hamda tomirlar devori muskul qavatining qisqarish quvvati susayadi. Natijada organizmda qon aylanishi buziladi. Bu omillarning qay biri ustun boʻlishiga qarab yurak yoxud tomir yetishmovchiligi vujudga keladi.

YU.t.s.k. (gipertoniya kasalligi, revmatizm, yurakning ishemik kasalligi)ni muntazam va oʻz vaqtida davolash yurak kasalliklarini oldini olishning eng yaxshi vositalaridan hisoblanib, uni kardiologiya fani oʻrganadi.

YU.t.s.k.ni aniqlash, davolash, oldini olish va boshqalar kardiorevmatologik markazlarda hamda dispanserlarda amalga oshiriladi. Kasallikni davolash reabilitatsiya, yaʼni salomatlikni qayta tiklashdan iborat. Hoz. yuraktomir xirurgiyasi sohasidagi ulkan yutuqlar tufayli yurak hamda yirik tomirlar tuzilishidagi gugʻma va turmushda orttirilgan turli nuqsonlar operatsiya yoʻli bilan davolanadi.
Murod жавоб берди 0
Salom baziga onamni yuragi siqib tez tez uradi qandaqa davolaw yolari bor.

Сизнинг жавобингиз

Жавобни шошилмасдан, тўғри ва имло хатоларсиз ёзишга ҳаракат қилинг, кириллча ёзсангиз "қ" "ҳ" "ғ" "ў" ҳарфлари билан ёзинг ёки вергул билан ажратиб ёзинг, лотинча ёзсангиз, "sh"ни "w" қилиб ёзманг илтимос!!!
Махфийлик шарти: Сизнинг электрон манзилингиздан фақат билдиришномалар юбориш мақсадида фойдаланилади.

Келгусида бундай текширувдан ўтмаслик учун, илтимос, киринг ёки рўйхатдан ўтинг.
...

Сиз ушбу бўлимда сизни қийнаётган ва қизиқтираётган саволларни бериб жавоб олинг, ва берилган саволарга маслаҳатлар бериб, савол берувчининг мушкулини осон қилинг.
Сайтга фойдаланувчи томонидан қўшилган ёлғон ёки инсон онгига салбий таъсир ўтказадиган маълумотлар, қолдирилган фикрлар ва изоҳларга жавобгарликни сайт маъмурияти ўз зиммасига олмайди.