Ассалому алайкум, Сиз Maslahatim.uz сайти орқали маслаҳат сўрашингиз ва маслаҳат беришингиз мумкин!

Salomatlik (jigar)

1 ta qizcham bor 2 marta gepatit A virusi bilan kasallanganman yoshligimda yana homiladir bulsam bu jigarimga ziyoni yo`qmi qizimga homiladorligimda rosa qiynaldim yugursam yoki tez yursam ogriydi jigar uchun foydali tabiy narsalani o`rgating iltimos.

2 та жавоб

Абдурахимов жавоб берди 0

Асал. Жигар ширинликни яхши кўради. Асал табиатнинг бизга энг яхши инъомидир. Бу маҳсулот жуда осон хазм бўлади. Саримсоқ пиёз. Жигар ферментларининг ишини яхшилайди, жигарни тозалайдиган аллицин ва селен моддалари бор. Кўк чой. Жигар ва бутун организмни шлаклардан тозаловчи катехинларга бой. Регенрация ва ёшартиришга хизмат қилади. Авакадо. Таркибида жигарни тозаловчи глутатион моддаси бор. Мунтазам истеъмол қилиб бориш жигар тўқимасини анча соғломлаштиради. Олма. Жигарни захарли моддалардан химоя килади. Зайтун ёғи. Жигар учун фойдали ёғлари бор ва жигарни захарли моддалардан ҳимоя қилади. Кўкатлар. Ўкроп, салат, исмалоқ, сельдерей, райхон, кинза, петрушка. Зарур витаминлар билан таъминлайдилар, захарли моддаларни организмдан чиқаради. Лимон, лайм Ёнғоқ.Таркиби аминокислоталарга бой. Жигарнинг яхши ишлашига ёрдам берувчи глутатион ва омега-3 ёғ кислоталарига бой. Куркума. Бу зиравор ўт ишлаб чикарилиши ва хайдашни кучайтиради, жигар тўқимасининг тикланишига ёрдам беради. Сабзи ва лавлаги, барги билан. Жигар фаолиятини кучайтирувчи флавоноидлар ва бета каротинларга бой. Грейпфрут. Жигарнинг токсинларга қарши курашувчи ферментларининг сифатини яхшилайди. Қушкўнмас (расторопша). Уруғини мунтазам истеъмол қилиб бориш моддалар алмашинувини яхшилайди. Балиқ. Жигарга омега-3 ёғ кислоталарини етказиб беради. Карамнинг барча турлари. Ёғсиз творог Қовоқ. Захарсизлантирувчи пектин моддаси кўп. Наъматак қайнатмаси. Витамин С га бой. Тухум. Лецитинга бой. Буткалар. Сули, гречка, тариқ ва бошқа турлари. Лецитин бор, аминокислоталарга бой.

аноним жавоб берди 0

Gepatit A
Gepatitning bu turi eng oddiy va keng tarqalgan hisoblanadi. Bu kasallikning yana bir nomi Botkina kasalligidir. Kasallik yuqishidan boshlab 7-50 kun oralig’ida tana sarg’ayadi. Inkubatsion davrning oxirida badan sariqlashmaguncha kasallik yuqumli bo’ladi. Ko’pincha kasallik tana harorati oshishi, grippga o’xshash simptomlar bilan davom etadi, undan tashqari siydik to’q rangga bo’yalib, najas aksincha rangi ochiqishadi. Kasallik deyarli hech qanday muolajasiz 1 haftadan 2 oy ichida o’tib ketadi, lekin yana yarim yil mobaynida jigarga og’irlik qilmaydigan ovqatlanish va harakat qilish lozim. Kasallik avji olgan payti kasal yotib va maxsus dieta qilishi shart. Kam hollarda tuzalish uchun kapelnitsa talab etiladi. Gepatit A odatda tozalikka rioya qilmaslik natijasida vujudga keladi. Kasallikni oldini olish maqsadida meva va sabzavotlarni iloji bo’lsa qaynagan suvda yaxshilab yuvish, vodoprovod suvini qaynatib yoki filtrlab ichish, qo’lni tez-tez sovun bilan yuvib turish kerak.
Gepatit A va homiladorlik
Gepatit viruslari orasida A turi eng oson yuqadiganidir. Gepatitning boshqa turlaridan farqli o’laroq A turi surunkali kechmaydi.
Gepatit A qanday yuqadi?
Gepatit A bilan kasallangan odamdan virus quyidagi yo’llar bilan tarqaladi:
1. Ovqat, ichimlik, sigaret orqali;
2. Najas va siydik orqali;
3. Jinsiy aloqa orqali;
4. Iflos kanalizatsiya suvi orqali.
Gepatit A alomatlari:
Virus yuqqanidan so’ng o’rtacha 4 hafta oralig’ida kasallik alomatlari namoyon bo’ladi:
Ko’ngil aynishi va bosh og’rig’i;
Ishtaha yo’qolishi va ozish;
Qorin og’rishi;
Ich ketishi;
Tana haroratining ko’tarilishi;
Sarg’ayish;
Jigarning kattalashishi.
Homiladorlik davrida gepatit A ga analliz topshiriladimi?
Odatda yo’q. Agar homilador ayol virus bilan kasallanganligiga shubha tug’ilsa, qon tekshiriladi. Lekin qonda virus kasallik yuqqanidan so’ng 2-5 hafta o’tgach namoyon bola oladi.
Gepatit Aning homilaga ta’siri bormi?
Ko’pincha gepatit A homilaga hech qanday ta’sir ko’rsatmaydi. Juda kam hollarda bolani muddatidan oldin tug’ilishiga, tug’ilgan bolaning vazni kam bo’lishiga olib kelishi mumkin. Agar chaqaloqqa tug’ilayotganida gepatit A yuqsa, u deyarli bilinmay o’zi o’tib ketadi.
Homiladorlik davrida gepatit A vaksinasini emlatsa bo’ladimi?
Bo’ladi. Gepatit A vaksinasi homiladorlikda xavfsiz hisoblanadi.
Gepatit A bilan kasallangan ona bolasini emizishi mumkinmi?
Tozalik va gigiyenaga amal qilgan holda o’ta ehtiyotkorlik bilan emizish mumkin. Har emizishdan, ko’krakni ushlashdan oldin va bolani tagliklarini almashtirgandan so’ng, qo’lni yaxshilab sovunlab yuvish shart. Bu haqida yana bir bora shifokor bilan maslahatlashgan ma’qul.

Сизнинг жавобингиз

Жавобни шошилмасдан, тўғри ва имло хатоларсиз ёзишга ҳаракат қилинг, кириллча ёзсангиз "қ" "ҳ" "ғ" "ў" ҳарфлари билан ёзинг ёки вергул билан ажратиб ёзинг, лотинча ёзсангиз, "sh"ни "w" қилиб ёзманг илтимос!!!
Махфийлик шарти: Сизнинг электрон манзилингиздан фақат билдиришномалар юбориш мақсадида фойдаланилади.

Келгусида бундай текширувдан ўтмаслик учун, илтимос, киринг ёки рўйхатдан ўтинг.
...

Сиз ушбу бўлимда сизни қийнаётган ва қизиқтираётган саволларни бериб жавоб олинг, ва берилган саволарга маслаҳатлар бериб, савол берувчининг мушкулини осон қилинг.
Сайтга фойдаланувчи томонидан қўшилган ёлғон ёки инсон онгига салбий таъсир ўтказадиган маълумотлар, қолдирилган фикрлар ва изоҳларга жавобгарликни сайт маъмурияти ўз зиммасига олмайди.