Ассалому алайкум, Сиз Maslahatim.uz сайти орқали маслаҳат сўрашингиз ва маслаҳат беришингиз мумкин!
Гемарой чиққанда, нима қилиш керак?

2 та жавоб

Abdusattor жавоб берди 325
Геморройни олдини олиш учун кичик тосдаги қон айланишни яхшилаш мақсадида мунтазам равишда қорин мушакларини кучайтириш зарур. Мутахассислар томонидан ишлаб чиқилган баъзи машқлар бу нохуш хасталикдан халос бўлишга ёрдам беради:
1. Тик туриб оёқларни жуфтлаштирилади, думба ва орқа тешик мушакларини таранглаштирилади.
2. қаттиқ ўриндиққа ўтириб белни тик тутилади, бир оз олдинга бурилиб орқа тешик мушакларини мунтазам таранглаштирилади.
3. чалқанча ётиб елка кенглигида оёқларни букиб товонларни полга тираб турилади. Бел ва товонларга таяниб тос полдан кўтарилади.
4. Чалқанча ётиб оёқларни навбатма-навбат кўтарилади.
5. Чалқанча ётиб оёқларни икки тарафга ёйилади ва қайчи шаклида бирлаштирилади.
6. Чалқанча ётиб тиззаларда букилган оёқлар кўтарилади ва худди велосипедда кетаётгандек ҳаракатларни бажарилади.
7. Чалқанча ётиб тиззалар букилади ва қаттиқ ҳолда қоринга бирлаштирилади.
Машқларни кунига 2-3 марта бажариш керак.
Геморрой касаллигида бир вақтда овқатланиш керак. Овқатланиш тартиби организмни ич кетиши ва қабзиятдан муҳофаза қилиш зарур. Бунинг учун хамирли ва ўта ёғли овқатлар кескин камайтирилади. Таомномангизда мунтазам равишда қатиқ, кепак маҳсулотлари, сабзавотлар, таркибида магний ва сулфатлар бўлган минерал сувлар бўлиши шарт. Хона ҳароратидаги илиқ минерал сувни кунига уч маҳал бир пиёладан ичишни ўзингизга одат қилиб олинг. Аччиқ, тузланган таомлар, ичимликлар қатъий мумкин эмас.
Агар геморройга қабзият сабаб бўлган бўлса, таомномангизни озуқа клетчаткаси билан бойитинг. У озуқа кепаги, карам, ловия, лавлаги, ошқовоқ, сабзи, тарвуз, қовун, қора ундан тайёрланган, жавдари нонда кўпдир. Оҳирги пайтларда баргизуб уруғи асосида тайёрланган (мукофалк) ва целлюлозадан тайёрланган (МКЦ-28) дори воситалари кенг тарқалди. Шу билан бир қаторда кўп миқдорда суюқлик ичиш (суткасига 2-3 литргача) зарур. Акс ҳолда бундай парҳез организмнинг сувсизланишига олиб келади. Оғриқни қолдириш ва касалликнинг зўрайишини олдини олиш мақсадида мунтазам равишда мустаҳаб қилинади. Шарқ мамлакатларида геморройга чалиниш хавфи ҳалқнинг кичиклигидан мустаҳаб қилишга ўрганганлиги сабабли камдир. Зўрайишлар пайтида оч-пушти рангли марганцовка эритмасида мустаҳаб қилиш ёки ҳожатдан чиқкандан кейин 1,5-2 дақиқа марганцовкали ванналар қабул қилинади.
Агар касаллик зўрайиб даволаш муолажалари яхши ёрдам бермаса, ҳар ҳожатга кирганда тугунлар ташқарига чиқса, операция (геморроэдиктомия) тавсия этилади. Ўрта ёшгача бўлган инсонлар кексаларга қараганда операцияни осон кечириб яхши натижаларга эришадилар. Аммо кекса ёшдаги кишиларда яралар битиш қийин бўлиб, йиринглаши ҳам мумкин.
Геморройда душ қабул қилиш яхши натижа беради. Бунинг учун хона ҳароратидаги илиқ сувда орқа тешикни пастдан тепага қараб ювилади. Душни мунтазам равишда қабул қилиш оғриқларни камайтириб ўз самарасини беради.
Касаллик зўрайганда янги сабзининг баргидан чой дамлаб ичинг ёки Гиппократ тавсиясига кўра орқа тешикка бодринг бўлагини қўйинг.
Агар орқа тешик қичишса ёки ундан суюқлик ажралса махсус чой ичинг:
1 ош қошиқдан бўймодарон, сано, франгула пўсти, қизилмия илдизи, кашнич ўтларини аралаштириб, 1 ош қошиғига бир пиёла қайноқ сув қуйилади ва буғда 10 дақиқа қайнатилади. Совутиб докадан ўтказилади. Бир пиёладан кечасига ичилади.
1 чой қошиқ лимонўтга бир пиёла қайноқ сув қуйиб ванна ёки ҳуқна қилинади. Касаллик зўрайганда яллиғланган жойларни майда туйилган ўрик магизи ва сариёғ билан 1:5 миқдорда аралаштирилган суртмада сурилади.
Халқ табобати усулларидан қуйидагилар тавсия қилинади: 1.Ўртача темир бидонга қаттиқ қиздирилган ғиштни солиб майда тўғралган саримсоқ пиёзни сепилади. Ғишт туташни бошлаганда бидон устига ўтирилади.
2. Қалин сопол идишга 2 литр сут қуйиб ичига 4 дона катта пиёз ташланади бир соатга буғхонада, паст оловда пиширилади. Тайёр бўлгандан кейин усти тешик ёғоч қопқоқ билан ёпиб ўтирилади. Муолажани ҳар уч кунда қайтарилади. 3-4 муолажа етарли бўлади. Муолажадан олдин ич сурувчи дори қабул қилиш, орқа тешикка вазелин суркаш керак.
3. Тоғорага совуқ сув қуйиб 5-7 дақиқага ўтирилади. Муолажа ҳар куни уйқудан олдин 3 ҳафта мобайнида ўтказилади.
Muslim жавоб берди 0
Avvalo doktorga bor mutahasisi bilan maslahat qilib muolijani kasalik holati darajasiga qarab davolash kerek boshlangich darajasiga alohida muolija ogir darajasiga alohida ayrim holatlarda jarrohlik yoli bilan davolanadi

Abu Bakr изоҳ берди

qaysi yo'nalishdagi do'kto'rlarga murojat qilish kerak

Сизнинг жавобингиз

Жавобни шошилмасдан, тўғри ва имло хатоларсиз ёзишга ҳаракат қилинг, кириллча ёзсангиз "қ" "ҳ" "ғ" "ў" ҳарфлари билан ёзинг ёки вергул билан ажратиб ёзинг, лотинча ёзсангиз, "sh"ни "w" қилиб ёзманг илтимос!!!
Махфийлик шарти: Сизнинг электрон манзилингиздан фақат билдиришномалар юбориш мақсадида фойдаланилади.

Келгусида бундай текширувдан ўтмаслик учун, илтимос, киринг ёки рўйхатдан ўтинг.
...

Сиз ушбу бўлимда сизни қийнаётган ва қизиқтираётган саволларни бериб жавоб олинг, ва берилган саволарга маслаҳатлар бериб, савол берувчининг мушкулини осон қилинг.
Сайтга фойдаланувчи томонидан қўшилган ёлғон ёки инсон онгига салбий таъсир ўтказадиган маълумотлар, қолдирилган фикрлар ва изоҳларга жавобгарликни сайт маъмурияти ўз зиммасига олмайди.